akshay shah

A lot of expectations on Ranbir, he is the heir to a legacy which by far is the most legendary in the industry…

By: ajay brahmatmaj | 422 Views

PFC

15 september…sham ke 8 baje hain.mumbai ke ek 5 star hotel mein SAAWARIYA(SAANWARIYA?) ka music release function hai.hindi film industry ke jaankaron ko maloom hai ki music release vastav mein tamashebaaji hai.is sham ko film unit ke log mauj-masti karte hain aur wahan media ke logon ko bhi bula liya jaata hai.is shaam ko hi film ki pahli jhalak milti hai.hindi film industry mein muhoort aur music release ka khas mahtva hai.
to shaniwaar ki sham ko media ,khaskar tv media ke log apne camers ke saath tay samay ke pahle se position lekar khade the.samay badhta ja raha tha,lekin programme shuru hone ki koi harkat nazar nahi aa rahi thi.baad mein pata chal ki KRSHNA JI ke aane mein deri hone ke karan sabhi ko intezaar karna pade.baharhaal woh aayin,pairee-painaa hua aur MANDIRA BEDI ne sham ki shuruaat ki.tab tak 10.30 baj chuke the.
SAAWARIYA sanjay leela bhansali ki film hai.is film se rishi kapoor ke bete ranveer kapoor aur anil kapoor ki beti sonam kapoor ka filmi career shuru ho raha hai.is saal hindi film industry se aur bhi bachche aa rahe hai,lekin unki charcha nahi hai.kyonki…ek to woh kisi bade star ya family se belong nahi karte aur doosre unki filmom ke director sanjay leela bhansali nahi hai.woh apni kismat ko ro rahe honge.
film sanjay leela bhansali ki hai aur ranveer kapoor n sonam kapoor ki launching film hai.is film ke saath ek badi baat ho gayi hai ki COLUMBIA PICTURES ne ise produce kiya hai.hamari ghulaam mansikta aise tathyon se bahut gadgad hoti hai.aisa lag raha hai ki hamne duniya ko majboor kar diya hai ki aao aur yahan paise invest karo.kya hamen maloom nahi ki COLUMBIA ko is se achchha set-up nahi mil sakta tha.hindi filmon ke producers ki tarah unka bhi dhyaan munaafe par hai.suna hai ki SAAWARIYA ke 1200 prints release honge.
ab asal mudde par aayen.SAAWARIYA film se iska seedha sambandh nahi hai.iska sambandh RK banner se hai.RK ko hindi film industry ki first family kaha jaata hai.agar PRITHVI RAJ KAPOOR se joden to RANVEER fourth generation ke hain.mujhe naahi maloom ki duniya ki kisi aur industry mein char generations ke sadsya filmon active rahen hain ki nahi.PFC ke readers aur contributors bata sakte hain.media mein charcha hai aur ise kapoor parivaar ke log bhi kah rahe hain aur poori film industry sweekaar kar rahi hai ki RANVEER KAPOOR(RK) hi RK banner ka waris hai.sawal hai ki KAREENA aur KARISHMA kapoor ko waris kyon nahi kkaha gaya.woh dono bahne bhi to fourth generation ki thi.kya kewal purush yani ki bete hi waris ho sakte hain? SAAWARIYA ke music release function mein KAREENA & KARISHMA nahi aaye the.RANDHIR KAPOOR aur BABITA bhi nahi dikhe the.
RANVEER KAPOOR ka swagat hai,lekin please unhe rk ke waris ke taur par pesh na karen.KAREENA aur KARISHMA bhi RK banner ke waris hain.KYON…KUCH GHALAT KAHA MAINE?